سربیا کے شہرہ آفاق ٹینس سٹار اور میگا ایونٹ کے سیکنڈ سیڈڈ نوویک جوکووچ اور امریکی ٹینس سٹار ٹیلر فریٹز اپنی عمدہ کارکردگی کی بدولت یو ایس اوپن ٹینس ٹورنامنٹ کے مینز سنگلز مقابلوں کے کوارٹر فائنل رائونڈ میں پہنچ گئے،مینز سنگلز مقابلوں کے پری کوارٹر فائنل رائونڈ میں سربین سیکنڈ سیڈ ڈ نوویک جوکووچ نے شاندار کارکردگی کا مظاہرہ کرتے ہوئے حریف کروشین کھلاڑی بورنا گوجو کو سٹریٹ سیٹس میں 2-6، 5-7اور 4-6سے شکست دی اور کوارٹر فائنل رائونڈ کیلئے کوالیفائی کر لیا، جہاں ان کا مقابلہ میزبان حریف کھلاڑی ٹیلر فریٹز سے ہوگا،ایک اور میچ میں امریکی ٹینس کھلاڑی ٹیلر فریٹز نے عمدہ کھیل پیش کرتے ہوئے سوئٹزرلینڈ کے حریف کھلاڑی ڈومینک سٹیفن سٹرکرکو ٹائی بریک پر سٹریٹ سیٹس میں6-7(2-7)، 4-6اور 4-6سے شکست دے کر میگا ایونٹ کے ٹاپ ایٹ رائونڈ کے لئے کوالیفائی کرلیا،امریکا کے بین شیلٹن نے بھی کوارٹر فائنل رائونڈ تک رسائی حاصل کرلی ، انہوں نے سخت مقابلے کے بعد ہم وطن حریف کھلاڑی ٹومی پال کو 4-6، 3-6،6-4اور 4-6سے اپ سیٹ شکست سے دوچار کیا،امریکی ٹینس سٹار ٹومی پال مردوں کے سنگلز مقابلوں کے پری کوارٹر فائنل رائونڈ میں اپ سیٹ شکست کے بعد میگا ایونٹ سے باہر ہوگئے، امریکی کھلاڑی فرانسس تیافو نے عمدہ کھیل پیش کرتے ہوئے آسٹریلین حریف کھلاڑی رنکی ہیجیکتا کو سٹریٹ سیٹس میں 4-6، 1-6اور 4-6سے شکست دے کر میگا ایونٹ کے کوارٹر فائنل کے لئے کوالیفائی کرلیا۔

کریڈٹ: انڈیپنڈنٹ نیوز پاکستان-آئی این پی