حال ہی میں ہندی فلموں میں ڈیبیو کرنے والی جنوبی بھارتی اداکارہ پرگیا جیسوال نے ملیالم فلم انڈسٹری میں خواتین کے جنسی استحصال پر ہیما کمیٹی رپورٹ پر ردِعمل دیتے ہوئے کہا کہ وہ خوش قسمت ہیں کہ انہوں نے کبھی جنسی ہراسانی کا سامنا نہیں کیا۔ اپنے تازہ انٹرویو کے دوران پرگیا جیسوال نے ہندی فلموں میں اپنے ڈیبیو اور ہیما کمیٹی رپورٹ سے متعلق بات کی۔ اداکارہ کا کہنا تھا کہ میں نے کبھی نہیں سوچا تھا کہ وہ متعدد اسٹارز پر مبنی فلم سے ہندی فلموں میں شروعات کریں گی کیونکہ اب ایسی فلمیں نہیں بنا کرتیں۔ ہیما کمیٹی رپورٹ پر اپنے تاثرات کا اظہار کرتے ہوئے اداکارہ نے بتایا کہ انہوں نے ویسے تو کبھی ملیالم فلم انڈسٹری میں کام نہیں کیا لیکن جنوبی بھارت کی دیگر انڈسٹریز میں پیشہ ورانہ لوگوں کے ساتھ کام کیا، جو اپنے کام کو جانتے تھے۔ انہوں نے بتایا کہ انہیں کبھی بھی جنسی ہراسانی جیسے معاملات کا سامنا نہیں کرنا پرا۔ انہوں نے کہا کہ میں نے کبھی خود کو غیرمحفوظ محسوس نہیں کیا۔

کریڈٹ: انڈیپنڈنٹ نیوز پاکستان-آئی این پی