آئی سی سی مینز ٹی ٹوئنٹی ورلڈ کپ کے بارہویں میچ میں اسکاٹ لینڈ نے نمیبیا کو پانچ وکٹ سے شکست دیدی۔نمیبیا کے کپتان گرہارڈ ایراسمس نے ٹاس جیت کر پہلے بیٹنگ کرتے ہوئے اسکاٹ لینڈ کو جیت کیلئے 156رنز کا ہدف دیا۔ہدف کے تعاقب میں اسکاٹ لینڈ کی ٹیم نے مقرر 20اوورز میں 9گیندیں قبل پانچ وکٹ کے نقصان پر ہدف عبور کرلیا۔نیمیبیا کی جانب سے اننگز کا آغاز اچھا نہیں رہا اور اوپر جے بی کوٹنر بغیر کوئی رن بنائے پویلین لوٹ گئے۔پہلی اننگز میں نمیبین کپتان گرہارڈ ایراسمس نے شاندا بلے بازی کا مظاہرہ کرتے ہوئے 2چھکوں اور 5چوکوں کی مدد سے 31گیندوں پر 52 رنز اسکور کیے، زین گرین 28اور نکولاس ڈیون 22رنز اسکور کر پائے۔پہلی اننگز میں اسکاٹ لینڈ کے بولر براڈ وہیل نے 4اوورز میں 33رنز دیکر 3 وکٹیں حاصل کیں جبکہ براڈ کیوری 2، کرس سول، کرس گریوز اور مائیکل لیسک 1-1وکٹ حاصل کرنے میں کامیاب ہوئے۔اسکاٹ لینڈ کی جانب سے کپتان رچی بیرنگٹن 35گیندوں پر 2چھکوں اور 2چوکوں کی مدد سے 47رنز اسکور کرکے نمایاں رہے، مائیکل لیسک 35، مائیکل جونز 26اور برانڈن مک مولن 19رنز اسکور کر پائے۔نمیبیا کی جانب سے گرہارڈ ایراسمس نے 2، روبن ٹرمپلمن، ٹینجنی لنگیمنی اور برنارڈ شولز ایک ایک وکٹ حاصل کر پائے۔ٹی ٹوئنٹی ورلڈ کپ کے گروپ بی کی دونوں ٹیمیں بارباڈوس کے شہر برج ٹائون میں کنسنگٹن اوول اسٹیڈیم میں آمنے سامنے تھیں۔

کریڈٹ: انڈیپنڈنٹ نیوز پاکستان-آئی این پی