انٹرنیشنل کرکٹ کونسل کے زیر اہتمام آئی سی سی مینز ٹی 20ورلڈ کپ کے سپر8مرحلے کا آخری میچ منگل کے روز(آج)کھیلا جائے گا، جس میں افغانستان اور بنگلہ دیش کی ٹیمیں آرنوس ویل گرائونڈ، کنگس ٹائون، سینٹ ونسنٹ میں پنجہ آزمائی کریں گی ۔افغانستان کی ٹیم کومایہ ناز آل رائونڈر راشد خان لیڈ کر رہے ہیں جبکہ بنگلہ دیش کی ٹیم کی قیادت نجم الحسن شانٹو کر رہے ہیں۔میچ پاکستان کے معیاری وقت کے مطابق صبح پانچ بج کر 30منٹ پر شروع ہوگااس میچ کے بعد میگا ایونٹ کی سیمی فائنل لائن اپ مکمل ہوجائے گی،ٹورنامنٹ کا پہلا سیمی فائنل میچ 27جون کی صبح پاکستان کے معیاری وقت کے مطابق پانچ بج کر 30منٹ پر شروع ہوگا جو ٹرینیڈاڈ میں کھیلا جائے گاجبکہ دوسرا سیمی فائنل میچ 27جون کو شام 7بج کر 30منٹ پر شروع ہوگاجو گیانا میں کھیلا جائے گاجبکہ میگا ایونٹ کا فائنل میچ 29جون کو بارباڈوس میں کھیلا جائے گا۔

کریڈٹ: انڈیپنڈنٹ نیوز پاکستان-آئی این پی