انٹرنیشنل کرکٹ کونسل کے زیر اہتمام آئی سی سی مینز ٹی 20ورلڈ کپ میںجمعے کے روز(آج)مزید تین میچ کھیلے جائیں گے۔پہلا میچ گروپ سی کی ٹیموں افغانستان اور پاپوا نیو گنی کے درمیان برائن لارا سٹیڈیم تاروبا ٹریناڈاڈ میں کھیلا جائے گا۔دوسرے میچ میں گروپ بی کی ٹیمیں دفاعی چیمپئن انگلینڈ اور عمان پنجہ آزمائی کریں گی ، یہ ورلڈ کپ کا 28واں میچ ہوگا جو سر ویوین رچرڈز سٹیڈیم نارتھ سانڈ انٹیگامیں کھیلا جائے گا،تیسرا اور آخری میچ گروپ اے کی ٹیموں امریکا اور آئرلینڈ کے درمیان سینٹرل بروورڈ ریجنل پارک سٹیڈیم ٹرف گرانڈ لاڈر ہل فلوریڈا میں کھیلا جائے گا۔ محدود اوورز کے فارمیٹ کے نویں میگا ایونٹ کے دلچسپ مقابلے ویسٹ انڈیز اور امریکا میں جاری ہیں جن میں شائقین کرکٹ کو کانٹے دار مقابلے دیکھنے کو مل رہے ہیں۔میگا ایونٹ میں 20ٹیمیں ٹائٹل کے حصول کے لئے کوشاں ہیں۔ انگلینڈ کی ٹیم دفاعی چیمپئن ہے۔ ٹورنامنٹ کا فائنل میچ 29جون کو بارباڈوس میں کھیلا جائے گا۔

کریڈٹ: انڈیپنڈنٹ نیوز پاکستان-آئی این پی