انٹرنیشنل کرکٹ کونسل کے زیر اہتمام آئی سی سی مینز ٹی 20ورلڈ کپ میں ہفتہ کے روز(آج)مزید چار میچ کھیلے جائیں گے۔پہلا میچ گروپ سی کی ٹیموں نیوزی لینڈ اور افغانستان کے درمیان پروویڈنس سٹیڈیم، گیانا میں کھیلا جائے گا۔دوسرے میچ میں گروپ ڈی کی ٹیمیں سری لنکا اور بنگلہ دیش پنجہ آزمائی کریں گی ، یہ وارلڈ کپ کا 15واں میچ ہوگا جو گرینڈ پریری سٹیڈیم، ڈیلاس میں کھیلا جائے گا۔تیسرا میچ گروپ ڈی کی ٹیموں نیدرلینڈز اور جنوبی افریقا کے درمیان ناسائو کائونٹی انٹرنیشنل کرکٹ سٹیڈیم، نیویارک میں کھیلا جائے گا۔ٹورنامنٹ کا چوتھا اور آخری میچ گروپ بی کی ٹیموں آسٹریلیا اور انگلینڈ کے درمیان کینسنگٹن اوول، برج ٹائون، بارباڈوس میں کھیلا جائے گا۔ ٹورنامنٹ کا فائنل میچ 29جون کو بارباڈوس میں کھیلا جائے گا۔

کریڈٹ: انڈیپنڈنٹ نیوز پاکستان-آئی این پی