جونیئر ٹیبل ٹینس سٹار حور فواد نے آل پاکستان ماسٹر کپ کا ٹائٹل جیت لیا، ایونٹ میں مکس ڈبل کا ٹائٹل پاکستان آرمی نے اپنے نام کیا،فیصل آباد میں کھیلا گیا آل پاکستان ماسٹر کپ اختتام پذیر ہوگیا، ٹورنامنٹ میں ملک بھر کے ٹاپ 16کھلاڑیوں نے شرکت کی،حور فواد نے نیشنل ٹیبل ٹینس چیمپئن حائقہ حسن کو 2-4کے مارجن سے شکست دے کر ایونٹ کا ٹائٹل اپنے نام کیا،جونیئر ٹیبل ٹینس پلیئر کا کہنا تھا کہ کامیابی ملنے پر بے حد خوش ہوں، ایونٹ کے تمام میچز دوست کے ریکٹ سے کھیلے، انٹرنیشنل ٹور سے کافی سیکھا ہے، بھرپور محنت کا صلہ ماسٹر کپ جیت کر ملا ہے۔

کریڈٹ: انڈیپنڈنٹ نیوز پاکستان-آئی این پی