پاکستانی گلوکار اسرار کا انگریزی گیت ریلیز کردیا گیا اسرار کے ہمراہ اس گانے میں مشہور امریکی جیز گلوکارہ Zens Moses نے بھی اپنی آواز کا جادو جگایا ہے۔ گانے کی ویڈیو امریکی ریاست فلاڈیلفیا میں شوٹ کی گئی ہے۔ گلوکار اسرار نے کہا کہ یقین ہے شائقین موسیقی میری کاوش کو ضرور پسند کریں گے۔انہوں نے کہا کہ امریکہ کے دورے کے دوران، مجھے مسحور کن گلوکارہ Zens Moses سے ملاقات کا موقع ملا اور پھر ہم نے ایک ساتھ اس گانے کو تخلیق کیا۔انہوں نے گلوکارہ کی تعریف میں کہا کہ اس کی اسٹیج پر موجودگی اور منفرد، سحر انگیز آواز نے گانے کو کامیاب بنانے میں اہم کردار ادا کرے گی۔اسرار کا کہنا تھا کہ یہ گیت اس جادو کا ثبوت ہے جو اس وقت ہوتا ہے جب مختلف پس منظر سے تعلق رکھنے والے فنکار اکٹھے ہوتے ہیں، اپنی منفرد آوازوں کو دلکش موسیقی کے تجربے میں ملاتے ہیں۔

کریڈٹ: انڈیپنڈنٹ نیوز پاکستان-آئی این پی