مصری کھلاڑی محمود محسن نے تلوار بازی کے ورلڈ کپ میں اسرائیلی کھلاڑی کو شکست دینے کے بعد ہاتھ ملانے سے انکار کر دیا،غیر ملکی میڈیا کے مطابق سوئٹزرلینڈ میں تلوار بازی کے ورلڈ کپ کے مقابلے میں اسرائیلی کھلاڑی کو مصری حریف نے دہری ذلت کا شکار کر دیا،مصری کھلاڑی محمود محسن نے اسرائیلی کھلاڑی ڈینیئل فریڈ مین کو صفر کے مقابلے میں 5سے شکست دی،اسرائیلی کھلاڑی نے اپنے مصری حریف سے ہاتھ ملانے کیلئے ہاتھ بڑھایا لیکن محمود محسن نے فلسطینی عوام سے اظہار یکجہتی کرتے ہوئے ہاتھ ملانے سے انکار کر دیا اور پیٹھ پھیر کر اپنے راستے پر چل پڑے، اسرائیلی کھلاڑی میچ ریفری کو شکایت کرتا بھی نظر آیا اور 23سالہ مصری محمود محسن کے رویہ کے خلاف احتجاج ریکارڈ کرایا،مصری آرمڈ فورسز فیڈریشن کے ایک ذرائع نے قومی ٹیم کے کھلاڑی محمود محسن کو سزا کے امکان کے بارے میں کہا کہ محمود محسن کو بین الاقوامی آرمز فیڈریشن کی جانب سے سزا نہیں دی جائے گی کیونکہ فیڈریشن کے کچھ قوانین میں 3ماہ قبل ترمیم کی گئی تھی،نئے قوانین میں مصافحہ نہ کرنے اور اس کی جگہ تلوار سے مصافحہ کرنے کا امکان بھی شامل ہے۔

کریڈٹ: انڈیپنڈنٹ نیوز پاکستان-آئی این پی