معروف اداکار فیروز خان نے اپنے والد کی صحت یابی کیلئے مداحوں سے اپیل کی ہے۔سوشل میڈیا پر جہاں آج کل فیروز خان کی دوسری شادی اور انکی نئی دلہنیا سے متعلق خبریں سرگرم ہیں وہیں اداکار نے اپنی سب سے بڑی پریشانی مداحوں کے ساتھ شیئر کرکے سب کی توجہ ایک بار پھر اپنی جانب مبذول کرالی۔اداکار فیروز خان ان دنوں اذیت سے دوچار ہیں جس کی وجہ انکے والد کے صحت کے مسائل ہیں۔اداکار نے اسکا ذکر کرتے ہوئے فوٹو اینڈ ویڈیو شیئرنگ ایپ انسٹاگرام پر اسٹوری اپڈیٹ کی جس میں انہیں اپنے والد کے دل کی دھڑکنیں محسوس کرتے دیکھا جاسکتا ہے۔تصویر شیئر کرتے ہوئے فیروز خان نے اپنے مداحوں سے دعا کی درخواست کرتے ہوئے بتایا کہ،میرے والد کے لیے دعا کریں کیونکہ وہ صحت کے سنگین مسائل سے لڑ رہے ہیں۔ اداکار کی اس پوسٹ کے بعد سوشل میڈیا صارفین گہری تشویش میں مبتلا ہوگئے اور ساتھ ہی انکے والد کی جلد صحت یابی کیلئے دعا کرنے لگے۔

کریڈٹ: انڈیپنڈنٹ نیوز پاکستان-آئی این پی