دورہ جنوبی افریقہ کیلئے پاکستان کرکٹ ٹیم کا اعلان کر دیاگیا،محمد عباس کی ٹیسٹ ٹیم میں واپسی ہوئی ہے، شاہین شاہ آفریدی کو ڈراپ کیا گیا جبکہ فخر زمان کو ایک بار پھر نظر انداز کیا گیا ۔پی سی بی کی جانب سے جاری کردہ اعلامیے میں بتایا گیا ہے کہ وائٹ بال ٹیم میں سابق کپتان بابراعظم کی واپسی ہوئی ہے جبکہ ان کے علاوہ محمد رضوان، صائم ایوب اور سلمان علی آغا بھی تینوں فارمیٹس میں قومی ٹیم کی نمائندگی کریں گے۔نسیم شاہ ٹیسٹ اور ون ڈے کیلیے اسکواڈ کا حصہ ہیں، ادھر شاہین شاہ آفریدی کو پھر ٹیسٹ اسکواڈ سے ڈراپ کردیا گیا ہے۔قومی ٹیم جنوبی افریقہ دورے کے دوران 3 ٹی20، 3 ون ڈے انٹرنیشنل اور 2 ٹیسٹ میچز کھیلے گی جبکہ دورے کا آغاز 10 دسمبر کو ڈربن میں پہلے ٹی20 میچ سے ہوگا۔ پہلا ون ڈے 17 دسمبر کو پارل میں ہوگا جبکہ ٹیسٹ میچز بالترتیب 26 دسمبر اور 3 جنوری کو سنچورین اور کیپ ٹان میں شروع ہوں گے۔کرکٹ بورڈ کا کہنا ہے کہ شاہین شاہ آفریدی کو ورک لوڈ منیجمنٹ کے طور پر وائٹ بال کے میچوں کیلیے منتخب کیا گیا تاکہ وہ آئی سی سی چیمپیئنز ٹرافی 2025 کیلیے اپنی بہترین فٹنس اور فارم برقرار رکھ سکیں۔ ٹیسٹ ٹیم میں واپسی کرنے والے فاسٹ بولر محمد عباس ہیں جو آخری بار اگست 2021 میں جمیکا میں کھیلے تھے۔انگلینڈ کے خلاف ٹیسٹ سیریز میں 19 وکٹیں لینے والے آف اسپنر ساجد خان ٹیم کا حصہ نہیں ہیں، سلیکٹرز نے سنچورین اور نیو لینڈز ٹیسٹ کیلیے صرف ایک اسپیشلسٹ اسپنر نعمان علی کا انتخاب کیا ہے۔

ون ڈے میں بائیں ہاتھ کے اسپنر سفیان مقیم پہلی بار سلیکٹرز کا اعتماد حاصل کرنے میں کامیاب ہوئے ہیں۔دورہ جنوبی افریقہ کیلئے پاکستان کا ٹیسٹ اسکواڈ اس طرح ہے ۔شان مسعود (کپتان )، سعود شکیل (نائب کپتان )، عامر جمال، عبداللہ شفیق، بابر اعظم، حسیب اللہ (وکٹ کیپر) کامران غلام، خرم شہزاد، میر حمزہ، محمد عباس، محمد رضوان (وکٹ کیپر ) ، نسیم شاہ، نعمان علی، صائم ایوب اور سلمان علی آغا۔ون ڈے اسکواڈ ،محمد رضوان(کپتان اور وکٹ کیپر) ، عبداللہ شفیق، ابرار احمد، بابر اعظم، حارث رف، کامران غلام، محمد حسنین، محمد عرفان خان، نسیم شاہ، صائم ایوب، سلمان علی آغا، شاہین شاہ آفریدی، سفیان مقیم، طیب طاہر اور عثمان خان۔ٹی20 اسکواڈ میں محمد رضوان (ن اور وکٹ کیپر) ، ابرار احمد، بابر اعظم، حارث رف، جہانداد خان، محمد عباس آفریدی، محمد حسنین، محمد عرفان خان، عمیر بن یوسف، صائم ایوب، سلمان علی آغا، شاہین شاہ آفریدی، سفیان مقیم طیب طاہر اور عثمان خان شامل ہیں ۔ پی سی کی قومی ٹی مکے ٹیسٹ سکواڈ میں فاسٹ بولر محمد عباس کی واپسی ہوئی ہے، سفیان مقیم کو پہلی بار ون ڈے سکواڈ میں شامل کیاگیا ہے،ورک لوڈ مینجمنٹ کو مدنظررکھتے ہوئے شاہین آفریدی وائٹ بال سکواڈ میں شامل ہیں۔بابراعظم، محمد رضوان، صائم ایوب، سلمان آغا تینوں سکواڈز میں شامل ہیں۔عبوری ہیڈکوچ عاقب جاوید نے کہاہے کہ ہم چاہتے ہیں کہ شاہین چیمیئنز ٹرافی میں جسمانی ذہنی طور پر تازہ دم ہوں،یقینی بنایا ہے کہ تینوں سکواڈز متوازن ہوں اور اچھی کارکردگی دکھائیں۔

کریڈٹ : انڈیپنڈنٹ نیوز پاکستان-آئی این پی