بھارت کے عالمی شہرت یافتہ گلوکار اور اداکار دلجیت دوسانج نے بارڈر2 میں سنی دیول کو جوائن کرلیا۔بھارتی میڈیا کے مطابق فلم میں گلوکار کے کردار کی تفصیلات کو ابھی پردے میں رکھا گیا ہے لیکن وہ فلم میں ایک آرمی آفیسر کا کردار کریں گے۔بالی وڈ اسٹار سنی دیول نے رواں برس جون میں 27 برس بعد پاکستان کے خلاف پروپیگنڈا فلم بارڈر کے سیکوئیل کا اعلان کیا تھا اس پروپیگنڈا فلم کی شوٹنگ اکتوبر میں شروع ہوگی اور اسے ندھی دتا نے لکھا ہے۔بھارتی میڈیا ذرائع کے مطابق بارڈر2 کیلئے تیاریاں کافی عرصے سے جاری تھیں اور اس کی کہانی پہلی فلم کے ساتھ ہی جوڑی جائے گی۔

کریڈٹ: انڈیپنڈنٹ نیوز پاکستان-آئی این پی