دی ہنڈرڈ ٹورنامنٹ میں مانچسٹر اوریجنلز نے لندن اسپرٹ کو 12 رنز سے شکست دے دی۔ لارڈز میں کھیلے گئے ایونٹ کے 23 ویں میچ میں لندن اسپرٹ کی ٹیم 136 کے تعاقب میں مقررہ 100 گیندوں میں 5 وکٹوں کے نقصان پر 123 رنز بنا سکی۔ لندن اسپرٹ کی جانب سے کیٹن جیننگز 61 رنز ناٹ آٹ بنا کر نمایاں رہے۔شمرون ہیٹمائر 44، مائیکل پیپر 9، آندرے رسل 1 جبکہ اولی پوپ اور کپتان ڈین لارنس 0، 0 رن بنا کر آوٹ ہوئے۔ میٹ کریچلے 2 رنز بنا کر ناٹ آوٹ رہے۔ مانچسٹر اوریجنلز کی جانب سے فضل حق فاروقی نے 3 جبکہ اسکاٹ کیوری نے 1 وکٹ حاصل کی۔ اس سے قبل اسپرٹ کی دعوت پر پہلے بیٹنگ کرتے ہوئے اوریجنلز نے مقررہ 100 گیندوں میں 5 وکٹوں کے نقصان پر 135 رنز بنائے۔ اوریجنلز کی جانب سے کپتان فل سالٹ 58 رنز بنا کر نمایاں رہے۔ میکس ہولڈن 35، میتھیو ہرسٹ 2، جیمی اورٹن 1 اور سکندر رضا 0 رن بنا کر آٹ ہوئے۔ وین میڈسن 17 اور پال والٹر 15 رنز بنا کر ناوٹ آٹ پویلین لوٹے۔ اسپرٹ کی جانب سے رچرڈ گلیسن اور اولی اسٹون نے 2، 2 کھلاڑیوں کو آوٹ کیا۔

کریڈٹ: انڈیپنڈنٹ نیوز پاکستان-آئی این پی