چیئرمین پاکستان کرکٹ بورڈ محسن نقوی نے دبئی میں آئی سی سی بورڈ میٹنگ سے قبل آئی سی سی حکام سے ملاقات کر کے چیمپئنز ٹرافی کے حوالے سے پاکستان کا دبنگ موقف دہراتے ہوئے واضح کیا کہ ہمیں کوئی ہائبرڈ ماڈل قبول نہیں، اگر اس کے علاوہ کوئی دوسرا آپشن ہے کہ تو سامنے رکھا جائے۔محسن نقوی نے آئی سی سی کو واضح کیا کہ پاکستان چیمپئنز ٹرافی کے حوالے سے اپنے موقف پر قائم ہے ، ہم زخم سہہ لیں گے اپنی بے عزتی نہیں کرائیں گے۔ ذرائع کے مطابق چیئرمین پی سی بی محسن نقوی نے دبئی میں آئی سی سی ہیڈ کوارٹر ز میں مصروف دن گزارا۔ذرائع کے مطابق محسن نقوی نے آئی سی سی حکام سے ون آن ون ملاقاتیں کیں، چیئرمین پی سی بی سی ای او آئی سی سی جیف ایلاڈائز اور دیگر حکام سے ملے لیکن لاہور میں پی سی بی کے کئی افسران ان کی دبئی روانگی سے لاعلم رہے ۔ذرائع کا کہنا ہے کہ محسن نقوی نے آئی سی سی حکام کے سامنے دبنگ طریقے سے پاکستان کا مقف پیش کیا اور چیمپئز ٹرافی کے حوالے سے پاکستان کی قانونی پوزیشن بھی رکھی۔

کریڈٹ: انڈیپنڈنٹ نیوز پاکستان-آئی این پی