پاکستان وائٹ بال کرکٹ ٹیم کے ہیڈ کوچ گیری کرسٹن اور اسسٹنٹ کوچ اظہر محمود لاہور پہنچ گئے، دونوں کوچز چیئرمین پی سی بی محسن نقوی سے ملاقات میں آئندہ کے لائحہ عمل پر مشاورت کریں گے۔جنوبی افریقا سے تعلق رکھنے والے قومی وائٹ ٹیم کے ہیڈ کوچ گیری کرسٹن اور اسسٹنٹ کوچ اظہر محمود پیر کی صبح براستہ دبئی لاہور کے علامہ اقبال انٹرنیشنل ائرپورٹ پہنچے، ریڈ بال ٹیم کے کوچ جیسن گلیسپی بھی گزشتہ روز لاہور پہنچے تھے۔دونوں کوچز کی چیئرمین پی سی بی محسن نقوی سے ٹی 20ورلڈ کپ میں قومی ٹیم کی کارکردگی اور مستقبل کے لائحہ عمل پر مشاورت ہوگی۔ہیڈ کوچ گیری کرسٹن پہلے ہی ٹی 20ورلڈکپ میں ٹیم پاکستان کی مایوس کن کارکردگی کے بارے میں اپنی تفصیلی رپورٹ چیئرمین پاکستان کرکٹ بورڈ کو بھجوا چکے ہیں۔ذرائع کے مطابق سابق ٹیسٹ کرکٹرز اور انٹرنیشنل کرکٹرز کو بھی مشاورت کے لیے بلایا گیا ہے۔

کریڈٹ: انڈیپنڈنٹ نیوز پاکستان-آئی این پی