اداکارہ مومل شیخ کی وائرل ویڈیو کلپ پر جہاں سوشل میڈیا صارفین نے ان کا تمسخر اڑایا وہیں اداکار و ہدایتکار یاسر نواز نے بھی ویڈیو بنا کر اداکارہ کو ٹرول کردیا۔مومل شیخ ایک پوڈ کاسٹ میں انٹرویو دیتے ہوئے ایک مہنگی چاکلیٹ نہ کھانے پر افسوس کا اظہار کرتی نظر آتی ہیں۔مومل شیخ نے بتایا کہ وہ اور انکے بھائی شہزاد شیخ دونوں کو ایک فریرو روشر نامی چاکلیٹ بے حد پسند تھی مگر وہ مہنگی ہونے کی وجہ سے ہماری خرید سے باہر تھی۔جس پر یاسر نواز ان کا مذاق اڑانے انسٹاگرام پر آئے اور ایک ویڈیو اپ لوڈ کی جس میں انہوں نے اداکارہ کے انداز میں بات کرتے ہوئے ان کی نقل اتاری۔فوٹو اینڈ ویڈیو شئیرنگ ایپلیکیشن انسٹاگرام پر اپ لوڈ کردہ ویڈیو میں یاسر نواز نے کہا کہ مجھے نا بچپن سے ہی ایک آئسکریم کھانے کا بہت شوق تھا، اس کا نام ہے فریرو روشر، میں ترستا تھا اور آج اسے بڑے ہوکر کھا رہا ہوں۔ یہ کہنے کے بعد وہ ہنس پڑتے ہیں۔

کریڈٹ: انڈیپنڈنٹ نیوز پاکستان-آئی این پی