بنگلہ دیش اور سری لنکا کی ٹیموں کے درمیان تین ایک روزہ بین الاقوامی کرکٹ میچوں پر مشتمل سیریز کا پہلا میچ (آج)بدھ کو ظہور احمد چودھری سٹیڈیم، چٹوگرام میں کھیلا جائے گا۔میچ بنگلہ دیش کے مقامی وقت کے مطابق دن 2بجے شروع ہوگا اور میچ ڈے اینڈ نائٹ ہوگا۔سری لنکن ٹیم اپنے دورہ بنگلہ دیش کے دوران میزبان ٹیم کے خلاف تین ٹی ٹونٹی میچوں کی سیریز کھیل چکی ہے جس میں آئی لینڈرز نے میزبان بنگلہ دیشی ٹیم کو 1-2 سے شکست دی تھی۔تین ایک روزہ اور دو ٹیسٹ میچوں کی سیریز کھیلنا ابھی باقی ہے۔ون ڈے سیریز میں میزبان بنگلہ دیشی ٹیم کو نجم الحسین شانٹوہی لیڈ کریں گے ۔دونوں ٹیموں کے درمیان تین ون ڈے انٹرنیشنل میچوں پر مشتمل سیریز کا دوسرا میچ 15مارچ کو کھیلا جائے گا جبکہ تیسرا اور آخری میچ 18 مارچ کو کھیلا جائے گا۔ تین ایک روزہ میچوں کی سیریز کے تینوں میچز ظہور احمد چودھری سٹیڈیم، چٹوگرام میں کھیلے جائیں گے جس کے بعد دو ٹیسٹ میچوں کی سیریز کے پہلے میچ کے لئے دونوں ٹیمیں سلہٹ روانہ ہوں گی ، دوٹیسٹ میچوں کی سیریز کا پہلا میچ 22 سے 26 مارچ تک سلہٹ انٹرنیشنل سٹیڈیم ،سلہٹ میں کھیلا جائے گا جبکہ دوسرا اور آخری ٹیسٹ میچ 30 مارچ سے 3 اپریل تک ظہور احمد چودھری سٹیڈیم، چٹوگرام میں کھیلا جائے گا

کریڈٹ: انڈیپنڈنٹ نیوز پاکستان-آئی این پی