پاکستان باسکٹ بال فیڈریشن نے لاہور میں ریفریز کوچنگ اینڈ ریفریشر کلینک کے انعقاد سے لا تعلقی ظاہر کرتے ہوے واضح کیا ہے کہ چند مفاد پرست عناصر فیڈریشن کا نام استعمال کرکے غلط معلومات پھیلانے کی مضموم کوششیں کر رہے ہیں جس پر فیڈریشن کو سخت تشویش ہے۔اپنے ایک بیان میں پاکستان باسکٹ بال فیڈریشن کے ترجمان نے واضح کیا ہے کہ انٹرنیشنل باسکٹ بال فیڈریشن فیبا نے ایسے کسی ایونٹ کی سپورٹ نہیں کی ہے جبکہ ان مخصوص شرپسند عناصر کی کس بھی سرگرمی اور وابستگی کی بھی سختی سے تردید کی ہے۔فیڈریشن نے ایک بار پھر واضح کیا کہ عوام اور باسکٹ بال کمیونٹی ایسے مفاد پرست ٹولے سے احتیاط کریں جو بعض گمراہ کن دعو ے کر رہے ہیں ۔پاکستان باسکٹ بال فیڈریشن صدر بریگیڈیئر (ر)محمد افتخار منصور اور سیکرٹری جنرل خالد بشیر کی قیادت میں باسکٹ بال کھیل کے فروغ اور ترقی کے لے کوشاں ہے اور منتخب باڈی فعال انداز میں نہ صرف تمام قومی ٹورنامنٹس اور ریفریشر کورسز منعقد کروا رہی ہے بلکہ انٹرنیشنل ایونٹ میں بھی بھرپور نماندگی کی جا رہی ہے جس کی واضح مثال مالدیپ میں منعقدہ فائیو نیشن انٹرنیشنل باسکٹ بال چیمپئن شپ میں پاکستان ٹیم کی شاندار پرفارمنس تھی۔ پاکستان باسکٹ بال فیڈریشن کا الحاق پاکستان اسپورٹس بورڈ، پاکستان اولمپک ایسوسی ایشن، فیبا ایشیا اور باسکٹ بال کی ورلڈ باڈی کے ساتھ ہے ۔ باسکٹ بال فیڈریشن کھیل کی ترقی کیلے انٹر ڈویژنل ، سینئر نیشنل چیمپین شپس ،فیبا انٹرنیشنل ریفری ورکشاپ، اولمپک سولیڈیریٹی لیول ون کوچنگ کورس، وویمنز چیمپین کے انعقاد سمیت آئندہ ساتھ ایشین گیمز اور چھٹے ایشین انڈور گیمز میں شرکت کرے گی۔فیڈریشن نے واضح کیا کہ عوام اور باسکٹ بال پلیرز شرپسند عناصر کے جھوٹے دعوں اور پراپیگینڈا سے بچ کر رہیں کیونکہ ایسے عناصر کا پاکستان باسکٹ بال فیڈریشن اور فیبا سے کوی تعلق نہیں ہے اور باڈی کی کسی جگہ منسلک نہیں ہے۔

کریڈٹ: انڈیپنڈنٹ نیوز پاکستان-آئی این پی