بھارتی ریپر ایم سی اسٹین نے اپنی دیرینہ گرل فرینڈ انعم شیخ عرف بوبا سے بریک اپ کی تصدیق کردی۔رئیلٹی شو بگ باس 16 میں اپنی گرل فرینڈ بوبا کو یاد کرتے ہوئے جذباتی ہونے والے ریپر کی جانب سے بریک اپ کے انکشاف نے مداحوں کو حیران کردیا۔یاد رہے کہ بگ باس 16 میں اپنی شمولیت کے دوران ایم سی اسٹین اکثر اپنی گرل فرینڈ کے حوالے سے باتیں کرتے رہتے تھے جس کے باعث انہیں سلمان خان بھی بوبا کا نام لیکر تنگ کرتے نظر آتے تھے۔تاہم ایم سی اسٹین کی ایک انسٹاگرام اسٹوری نے مداحوں کی توجہ اس وقت حاصل کرلی جب انہوں نے بتایا کہ وہ سنگل ہیں۔ اپنی انسٹاگرام اسٹوری میں، ایم سی اسٹین نے لکھا کہ میں سنگل ہوں اور دل ٹوٹنے کے بعد اکیلے زندگی گزار رہا ہوں۔

کریڈٹ: انڈیپنڈنٹ نیوز پاکستان-آئی این پی