بھارت اور آسٹریلیات کے مابین ابورڈر گواسکر ٹرافی سیریز کا پانچواں اور آخری ٹیسٹ آج (جمعہ سے )سڈنی کرٹک گرائونڈ میں شروع ہوگا۔آسٹریلیا کی پلئینگ الیون سے آل راونڈر مچل مارش باہر ہوگئے ۔کپتان پیٹ کمنز نے آخری ٹیسٹ کی پلئینگ الیون کی تصدیق کردی،مچل مارش کی جگہ آل رائونڈر بیو ویبسٹر انڈیا کے خلاف سڈنی ٹیسٹ میں ڈیبیو کریں گے۔بیو ویبسٹر ٹیسٹ ڈیبیو کرنے والے آسٹریلیا کے 469 ویں کھلاڑی ہیں۔ آخری ٹیسٹ سیڈراپ کیے گئے میچل مارش نے سیریز میں 10.42 کی اوسط سے 73 رنز بنائے۔دوسری جانب فاسٹ بولر مچل اسٹارک پسلیوں میں تکلیف کے باجود نیو ایئر ٹیسٹ کھیلیں گے۔ کپتان پیٹ کمنزکا کہنا ہے کہ مچل اسٹارک نے کبھی بھی یہ ٹیسٹ میچ مس نہیں کرنا تھا۔پانچ ٹیسٹ میچز کی سیریز میں آسٹریلیا کو دو ایک سے برتری حاصل ہے،سیریزکا آخری میچ آج سے سڈنی میں کھیلا جائے گا۔

کریڈٹ : انڈیپنڈنٹ نیوز پاکستان-آئی این پی