باغباں کمال پور کلب اور بابا کارگو لاہور نے آل پاکستان فٹبال ٹورنامنٹ نتھووالا کے کوارٹر فائنل میں جگہ بنا لی ہے۔ ٹیموں کی کامیابی پر باغباں کمال پور کلب کے چیئرمین حاجی شاہد عمران باغباں نے مبارکباد پیش کی۔ گزشتہ روز نتھووالا سٹیڈیم، شاہکوٹ میں جاری آل پاکستان فٹبال ٹورنامنٹ نتھووالا میں باغباں کمال پور کلب نے شیر ربانی کلب اور بابا کارگو لاہور کلب نے ایچ ای سی پاکستان کو شکست دے کر کوارٹر فائنل تک رسائی حاصل کر لی ہے۔ پہلے میچ میں بابا کارگو لاہور نے ایچ ای سی پاکستان کو 3-4پینلٹی ککس سے شکست دیکر کوارٹر فائنل میں جگہ بنالی ہے۔ مقررہ وقت میں دونوں ٹیمیں ایک ایک گول سے برابر رہیں۔ میچ کا فیصلہ پینلٹی ککس پر ہوا جس میں بابا کارگو لاہور نے چار اور ایچ ای سی نے تین گول کئے جبکہ دوسرے میچ میں باغباں کمال پور کلب نے شیر ربانی کلب کو 3-4پینلٹی ککس سے ہرا دیا مقررہ وقت میں کوئی بھی ٹیم گول نہ کر سکی۔ میچ کا فیصلہ پینلٹی ککس پر ہوا جس میں باغباں کمال پور کلب نے چار اور شیر ربانی کلب نے تین گول سکور کئے۔

کریڈٹ: انڈیپنڈنٹ نیوز پاکستان-آئی این پی