قومی کرکٹ ٹیم کے سابق کپتان شاہد آفریدی نے کہا ہے کہ بابر اعظم کو ہی دورہ آسٹریلیا پر ٹیم کی قیادت کرنی چاہیے،کراچی میں تقریب سے خطاب کرتے ہوئے شاہد آفریدی کا کہنا تھا کہ ہمارے پاس فیصلہ کرنیکا وقت ہے، مجھے اس ٹیم سے کافی امید تھی، ہم نے اسکلز کے مطابق پرفارم نہیں کیا، ورلڈکپ کے بعد اس طرح کا ماحول ہوتا ہے،شاہد آفریدی کا کہنا تھا کہ آپ کو گراس روٹ پر کرکٹ پر کام کرنیکی ضرورت ہے، بابراعظم کو ہی آسٹریلیا کے ٹور پر قیادت کرنی چاہیے، بڑے ایونٹ میں آپ کو دبائو لینا ہوتا ہے، آپ اتنی غلطیاں کریں گے تو پھر آپ نہیں جیت سکتے،سابق کپتان اور وکٹ کیپر راشد لطیف کا کہنا تھا کہ ہم نے کافی وقت ٹی ٹوئنٹی کرکٹ پر توجہ دی ہے، ہم نے ٹیسٹ اور فرسٹ کلاس کرکٹ کم کھیلی،راشد لطیف نے کہا کہ ورلڈکپ میں ہمارے فاسٹ بولرز نے اچھی بولنگ نہیں کی، اسپنرز اگر اچھے ہوتے تو نتیجہ مختلف ہوسکتا تھا،صرف کھلاڑیوں سے نہیں بلکہ کھلانے والوں سے بھی سوال ہونا چاہیے۔

کریڈٹ: انڈیپنڈنٹ نیوز پاکستان-آئی این پی