پاکستان کے سابق وکٹ کیپر بیٹر کامران اکمل نے کہا ہے کہ کپتان بابر اعظم اور ان کی ٹیم کو پاکستانی شائقین کی جانب سے بے حد سپورٹ ملتی ہے،کراچی میں ایک تقریب میں پاکستان کے لیجنڈ سابق کرکٹرز نے شرکت کی جن میں شاہد آفریدی، کامران اکمل، مصباح الحق، عمر گل، سعید اجمل، راشد لطیف اور شعیب ملک شامل تھے،تقریب سے خطاب کرتے ہوئے کامران اکمل نے کہا 'بابر اعظم اور ان کی ٹیم کو تین سال جتنا سپورٹ آپ لوگوں کی طرف سے پاکستان کی عوام کی طرف سے انہیں ملا اگر یہ ہی سپورٹ یونس بھائی، شاہد بھائی اور مصباح کو ملتی تو یہ بھی کوئی ورلڈکپ یا بڑا ایونٹ اپنے نام کرتے،کامران اکمل نے کہا کہ پاکستان ٹیم جیتنے کے ارادے سے کھیلی ہی نہیں جس کی وجہ سے اس ورلڈکپ میں نقصان اٹھانا پڑا، آپ ٹی ٹوئنٹی کی سلیکشن ختم کریں، ٹیم کا انتخاب ون ڈے کے طور پر کریں گے تو ہمیں ایسے بڑے ایونٹ میں مار نہیں کھانی پڑے گی،انہوں نے کہا کہ بابر کو کپتانی کے چار سال ملے ہیں، میں بھائی کے طور پر بات کررہا ہوں ، سب جانتے ہیں میرا اس سے کیا رشتہ ہے، اگر سب چاہتے ہیں کہ بابر 24،25ہزار رنز کرے تو اسے دبائو ہٹانے کے لیے کپتانی ایک طرف کرنی پڑے گی ، جب ایسا ہوگا تو وہ بطور کھلاڑی اور اچھا پرفارم کرے گا،سابق وکٹ کیپر بیٹر نے مسکراتے ہوئے آل رائونڈر افتخار احمد کو کپتانی کے لیے بہترین آپشن قرار دیا۔

کریڈٹ: انڈیپنڈنٹ نیوز پاکستان-آئی این پی