پاکستان جونیئر انڈر 17کیٹیگری اسکواش چیمپین اذان علی خان ایڈنبرگ میں جاری اسکاٹش جونیئر اوپن چیمپئن شپ کے فائنل میں پہنچ گئے۔اذان علی خان نے اسکاٹس جونیئر اوپن چیمپئن شپ کے کواٹر فائنل میں برطانوی کھلاڑی جورج بار کر کو 11-3 11-6 11-3 سے شکست دی۔اذان علی خان نے اسکاٹس جونیئر اوپن چیمپئن شپ کے سیمی فائنل میں آسٹریلین کھلاڑی کیسپیر چونگ کو شکست دے کر فائنل میں جگہ بنائی۔چیئرمین پرائم منسٹر یوتھ پروگرام رانا مشعود احمد خان نے کھلاڑی ، کوچ اور ٹیم مینجر اور قوم کو اس جیت پر مبارکباد دی۔ایونٹ مین 22 ممالک سے کھلاڑی حصہ لے رہے ہیں جن میں ، کینڈا، برطانیہ، اٹلی، مصر، امریکا وغیرہ شامل ہیں۔اذان علی خان دوسرے مرحلے میں برٹش اوپن ورلڈ جونیئر اسکواش چیمپین شپ میں بھی حصہ لیں گے۔برٹش اوپن ورلڈ جونیئر اسکواش چیمپین شپ 2 جنوری سے 6 جنوری تک برمنگھم میں منعقد ہوگی۔پاکستان کی معروف فلاحی تنظم مسلم ہینڈز اور پرائم منسٹر یوتھ پروگرام کھلاڑی کو مکمل سپورٹ کررہے ہیں۔

کریڈٹ : انڈیپنڈنٹ نیوز پاکستان-آئی این پی