فلم سٹار اداکارہ میرا کی ارشد ندیم سے متعلق ایک ویڈیو دوبارہ منظر عام پر آگئی ہے جس نے سوشل میڈیا پر ہلچل مچا دی ۔ویڈیو میں اداکارہ کو ایک انٹرویو کے دوران جیولین ایتھلیٹ ارشد ندیم کو کرکٹر سمجھ کر مبارکباد دیتے ہوئے دیکھا جاسکتا ہے۔ارشدندیم کے کارناموں کا چرچا میڈیا، سوشل میڈیا سمیت ہر جگہ ہورہا ہے ایسے میں اداکارہ میرا کے ایک 3سال پرانے انٹرویو کی ویڈیو دوبارہ وائرل ہوگئی جس میں میرا نے ارشد ندیم کو کرکٹر قرار دیتے ہوئے ان کے کھیل کی تعریفیں کیں اور کہا کہ انہوں نے اچھی کرکٹ کا مظاہرہ کیا۔انہوں نے کہا کہ ارشد ندیم نے اچھی کرکٹ کھیلی، انہوں نے ملک کا نام روشن کیا، ان کی وجہ سے قوم اور ملک کا دنیا میں نام ہوا۔میرا نے مزیدکہا کہ ارشد ندیم کے کھیل میں ان کی باڈی لینگویج سے ہی ان کی سچائی کا پتا چل رہا تھا، انہوں نے اچھا کھیل کھیلا۔میرا نے حکومت سے مطالبہ کیا کہ وہ اچھا کھیل کھیلنے والے کرکٹرز سمیت اچھے فن کا مظاہرہ کرنے والے اداکاروں کا بھی خیال کرے، ان کی خدمات کا اعتراف کرتے ہوئے مراعات کا اعلان کرے۔

کریڈٹ: انڈیپنڈنٹ نیوز پاکستان-آئی این پی