امریکی ریاست اوہایو کی فٹبال ٹیم کی وائٹ ہائو س آمد پر ایک دلچسپ واقعہ پیش آیا جس کی ویڈیو سوشل میڈیا پر وائرل ہے۔ ویڈیو میں دیکھا جاسکتا ہے کہ وائٹ ہاوس میں اوہایو کی فٹبال ٹیم کی نیشنل چیمپئن شپ میں کامیابی کے جشن میں منعقد کی گئی تقریب میں جب نائب امریکی صدر جے ڈی وینس نیشنل چیمپئن شپ کی ٹرافی اٹھانے لگے تو ٹرافی کا اوپر والا حصہ الگ ہو گیا اور نیچے والا حصہ ان کے ہاتھ سے چھٹ کر گر گیا۔ جے ڈی وینس کو ٹرافی اٹھاتے ہوئے یہ معلوم نہیں تھا کہ ٹرافی کا نیچے والا حصہ اوپر والے حصے سے الگ ہوسکتا ہے اس لیے غلطی سے ٹرافی کا نیچے والا حصہ الگ ہو کر ان کے ہاتھ سے نیچے گر گیا۔ اس موقع پر نائب امریکی صدر کے ساتھ کھڑے اوہایو فٹبال ٹیم کے کھلاڑی نے آگے بڑھ کر ٹرافی کو سنبھالنے میں ان کی مدد کی۔ جے ڈی وینس کی یہ ویڈیو سوشل میڈیا پر وائرل ہو گئی اور صارفین کی جانب سے اس پر دلچسپ تبصرے کیے جا رہے ہیں۔

کریڈٹ: انڈیپنڈنٹ نیوز پاکستان-آئی این پی