پاکستان کرکٹ بورڈ کی جانب سے قومی ٹیم کے وائس کپتان شاداب خان کو انٹر نیشنل کرکٹ میں اہم سنگ میل عبور کرنے پر اسپیشل سوینیئر پیش کیا گیا ہے،پاکستان کرکٹ بورڈ کی جانب سے سوشل میڈیا پر ایک ویڈیو شیئر کی گئی ہے جس میں قومی ٹیم کے ہیڈ کوچ گرانٹ بریڈ برن کی جانب سے شاداب خان کو اسپیشل سوینیئر پیش کیا گیا،شاداب خان کو انٹرنیشنل کرکٹ میں 200وکٹیں حاصل کرنے پر خصوصی شیلڈ پیش کی اور اس موقع پر قومی ٹیم کے ہیڈ کوچ نے بتایا کہ شاداب خان نے ایشیا کپ میں بنگلا دیش کے خلاف میچ میں اپنی 200انٹرنیشنل وکٹیں مکمل کیں، ٹیم منیجر ریحان الحق شاداب خان کو سوینیئر پیش کریں،شاداب خان کو شیلڈ پیش کرنے کے بعد منیجر قومی ٹیم ریحان الحق کا کہنا تھا ہم ایک میچ ہارے ہیں اس کا یہ مطلب نہیں کہ ہم نے جو اچیومنٹ حاصل کی ہیں ان کی خوشیاں نہ منائیں، ہم گزشتہ تین مہینے میں پہلا میچ ہارے ہیں، شاداب خان آج سے 7سال پہلے ٹیم میں آیا اور آج اس نے 200انٹرنیشنل وکٹیں مکمل کر لی ہیں، شاداب اور پوری ٹیم بہت ہی شاندار ہے اور مجھے اس ٹیم پر فخر ہے۔

کریڈٹ: انڈیپنڈنٹ نیوز پاکستان-آئی این پی