بالی ووڈ اداکار انوپم کھیر نے انکشاف کیا ہے کہ انہوں نے کبھی کام سے چھٹی نہیں لی تھی اور اب 40 برس میں پہلی مرتبہ 2 دن کی چھٹی لی۔ سینئر اداکار نے اپنے انسٹاگرام اکائونٹ پر معروف اداکار جیکی شروف کے ساتھ ایک ویڈیو شیئر کی۔انوپم کھیر نے ویڈیو میں بتایا کہ میں نے 40 برسوں میں پہلی مرتبہ چھٹی لی اور وہ وقت جیکی شروف کے فارم ہائوس پر گزارا۔انہوں نے ویڈیو نے بتایا کہ اس سے پہلے انہوں نے اتنا پر سکون کبھی محسوس نہیں کیا۔اداکار کا کہنا تھا کہ جیکی شروف کے فارم ہاس پر گزارے ہوئے یہ دو دن میری زندگی کے بہترین دن تھے۔انوپم کھیر کا کہنا تھا کہ جیکی شروف ایک بہترین دوست اور بہترین میزبان ہیں ساتھ ہی انہوں نے جیکی شروف کا بہت زیادہ شکریہ بھی ادا کیا۔

کریڈٹ: انڈیپنڈنٹ نیوز پاکستان-آئی این پی