بالی ووڈ اداکارہ اننیا پانڈے نے اپنے نئے ممکنہ بوائے فرینڈ واکر بلینکو کے نام کا پینڈنٹ گلے میں پہن کر سب کی توجہ حاصل کر لی۔ اننیا پانڈے نے سال 2023 میں سپر اسٹار ادتیا رائے کپور کے ساتھ افیئر کے سبب شہ سرخیوں میں جگہ بنائی تھی تاہم رواں سال اپریل میں یہ خبر سامنے آئی کہ دونوں کا بریک اپ مارچ میں ہوگیا ہے جس کے بعد دونوں ایک ساتھ نظر نہیں آئے اب ایک تازہ تصویر میں اننیا نے ایک خاص پینڈنٹ گلے میں پہن کر مداحوں کو شش و پنج میں ڈال دیا۔اننیا پانڈے نے انگریزی حروف اے اور ڈبلیو والا پینڈنٹ پہنا جس میں سے اے تو اداکار کے اپنے نام کا پہلا حروف ہے لیکن ڈبلیو کا معمہ سب کی سمجھ سے باہر تھا۔جہاں اننیا پانڈے نے اپنے نئے بوائے فرینڈ کے نام کا اشارہ دیا وہیں بھارتی میڈیا میں اننیا پانڈے اور امریکی ماڈل واکر بلینکو کے افیئر کا دعوی کردیا۔امریکی ماڈل واکر بلینکو کی انٹرٹینمنٹ انڈسٹری سے وابستگی ہے اور وہ امبانی فیملی کے ساتھ بھی کام کرچکے ہیں۔ رپورٹس کے مطابق اننیا پانڈے کو بھارتی بزنس ٹائیکون مکیش امبانی کے بیٹے اننت امبانی کی شادی میں واکر بلینکو کے ساتھ ہی دیکھا گیا تھا جہاں اننیا پانڈے واکر کو اپنے پارٹنر کے طور پر ملوارہی تھیں۔

کریڈٹ: انڈیپنڈنٹ نیوز پاکستان-آئی این پی