پاکستانی معروف اداکارہ و ماڈل ہانیہ عامر سے متعلق ماہرِ علم نجوم نے پیش گوئی کی ہے کہ ان کی زندگی میں کچھ بہت بڑا ہونے والا ہے۔ ایک ٹی وی شو کے دوران تین نجومیوں نے شوبز سٹارز کے متعلق اپنی پیشنگوئیاں کیں۔ سینئر اداکار عدنان صدیقی اور ہمایوں سے متعلق کہا کہ ان کے لئے آنے والا سال بہت سی کامیابیوں سے بھرا ہو گا، وہ کاروبار کریں یا کوئی بھی انویسٹمنٹ، دن دگنی رات چگنی ترقی پائیں گے۔اداکار فواد خان سے متعلق ماہرِ نجوم کا کہنا تھا کہ بہت لوگ سوچ رہے تھے کہ بس اِن کا کیریئر اب ڈوب گیا مگر ایسا نہیں ہے، آنے والا سال فواد خان کے لیے خوب شہرت اور کامیابیاں لا رہا ہے۔ہانیہ عامر سے متعلق پیش گوئی کرتے ہوئے ماہرِ نجوم نے کہا کہ ہانیہ عامر بہت اچھی، بہت معصوم انسان ہیں، انہیں پاگل بنانا بہت آسان ہے، وہ بہت جلدی باتوں میں آ جاتی ہیں، آنے والا سال، 2025 اِن کے لیے ٹرننگ پوائنٹ ثابت ہو گا، ہانیہ عامر کی زندگی میں کچھ بہت بڑا ہونے والا ہے۔ندا یاسر سے متعلق کہا کہ ماہرِ نجوم نے کہا کہ ان کے آنے والا سال اچھا ثابت ہو گا اور 2025 ان کے لیے سرپرائز بھی لا رہا ہے۔

کریڈٹ: انڈیپنڈنٹ نیوز پاکستان-آئی این پی