انگلینڈ اور آسٹریلیا کی ٹیموں کے درمیان تین ٹی ٹونٹی میچوں پر مشتمل سیریز کا پہلا میچ 11ستمبر کو روز بال، سائوتھمپٹن میں کھیلا جائے گا۔آسٹریلیا کی مردوں کی قومی کرکٹ ٹیم انگلینڈ کے دورہ پر ہے ،جہاں وہ میزبان برطانوی ٹیم کے خلاف 3ٹی ٹونٹی جبکہ 5ایک روزہ بین الاقوامی کرکٹ میچز کی سیریز کھیلے گی۔ انگلینڈ اور آسٹریلیا کی ٹیموں کے درمیان 3ٹی ٹونٹی کرکٹ میچزکی سیریز کا آغاز 11ستمبر کو ہوگا یہ میچ روز بال، سائوتھمپٹن میں کھیلا جائے گاجو نائٹ ہوگا اور فلڈ لائٹس میں کھیلا جائے گا۔انگلینڈ کی ٹیم قیادت فلپ سالٹ کریں گے جبکہ آسٹریلوی ٹیم مچل مارش کی زیر قیادت میدان میں اترے گی۔دونوں ٹیموں کے درمیان تین میچوں کی سیریز کا دوسرا ٹی ٹونٹی میچ 13ستمبر کو صوفیہ گارڈنز، کارڈف میں کھیلا جائے گاجبکہ تیسرا اور آخری ٹی ٹونٹی میچ 15ستمبر کو ایمرٹس اولڈ ٹریفورڈ،مانچسٹر میں کھیلا جائے گا ۔ ٹی ٹونٹی سیریز مکمل ہونے کے بعد پانچ ون ڈے میچز کی سیریز کا آغاز 19ستمبر کو ٹرینٹ برج، ناٹنگھم میں ہوگا۔

کریڈٹ: انڈیپنڈنٹ نیوز پاکستان-آئی این پی