بالی ووڈ اسٹار اکشے کمار کی فلم کھیل کھیل میں کے میکرز نے اکشے کمار اور گلوبل سپر اسٹار دلجیت دوسانجھ کے مداحوں کے لیے بڑی خوشخبری کا اعلان کردیا۔فلم کھیل کھیل میں کے میکرز نے مداحوں کو فلم کے بارے میں ایک خصوصی اپ ڈیٹ دی ہے جس کا تعلق گلوکار و اداکار دلجیت دوسانجھ سے ہے۔فلم میں دلجیت دوسانجھ اور اکشے کمار کی زبردست جوڑی ایک مرتبہ پھر فلم گڈ نیوز کی ریلیز کے دوبارہ ایک خاص تعلق شیئر کرتی نظر آئے گی کیونکہ فلم میکرز نے 2016 میں ریلیز ہونے والے دلجیت دوسانجھ کے چارٹ بسٹر گانے ڈو یو نو کے ریمیک ورژن کو فلم میں شامل کرنے کا فیصلہ کرلیا۔بھارتی میڈیا رپورٹس کے مطابق دلجیت دوسانجھ کے سپر ہِٹ ٹریک ڈو یو نو کو فلم کھیل کھیل میں کے پروموشنل سانگ کے طور پر استعمال کیا جائے گا۔میڈیا ذرائع کے مطابق دلجیت دوسانجھ کے گانے کی وائب فلم کی انرجی سے میل کھاتی ہے جس کی وجہ سے میکرز کی جانب سے فلم میں اس پیشرفت اعلان کیا گیا ہے۔فلم کی پوری کاسٹ اداکار اکشے کمار، وانی کپور، تاپسی پنوں، ایمی ورک، پرگیہ جیسوال اور آدتیہ سیل کو دیکھا جائے گا۔

کریڈٹ: انڈیپنڈنٹ نیوز پاکستان-آئی این پی