آسٹریلیا کیخلاف دوسرے ٹیسٹ میچ کے پہلے روز کھیل کے اسپیڈ گن کی غلطی نے محمد سراج کو دنیا کا تیز ترین بولر بنوا دیا۔ایڈیلیڈ میں کھیلے جا رہے سیریز کے دوسرے ٹیسٹ میچ کے پہلے دن اسپیڈ گن میں ٹیکنیکل غلطی دیکھنے میں آئی۔ میچ کے 24 ویں اوور میں اسپیڈ گن نے محمد سراج کی گیند کی رفتار ناقابلِ یقین حد تک تیز دکھائی جسے دیکھ کر لوگ حیران رہ گئے۔سپیڈ گن پر محمد سراج کی گیند کی رفتار 181.6 کلومیٹر فی گھنٹہ دکھائی گئی، دراصل ایسا اسپیڈ گن میں ٹیکنیکل خرابی کی وجہ سے ہوا۔ واضح رہے کہ کرکٹ کی تاریخ میں سب سے تیز گیند پھینکنے کا ریکارڈ پاکستان کے فاسٹ بولر شعیب اختر کے پاس ہے جنہوں نے ورلڈ کپ 2003 میں انگلش بلے باز نک نائٹ کے خلاف 161.3 کلومیٹر فی گھنٹہ کی رفتار سے بولنگ کرکے یہ ریکارڈ قائم کیا تھا۔

کریڈٹ : انڈیپنڈنٹ نیوز پاکستان-آئی این پی