آسٹریلیا کے بیٹر ٹریوس ہیڈ اور بھارت کے فاسٹ بولر محمد سراج کو ضابطہ اخلاق کی خلاف ورزی پر سزا کا سامنا کرنا پڑے گا۔ ایڈیلیڈ ٹیسٹ میں محمد سراج نے ٹریوس ہیڈ کو آئوٹ کرنے پر اشتعال دلانے والا ایکشن کیا تھا جبکہ ٹریوس ہیڈ نے بھی نامناسب رویہ اختیار کیا تھا۔آسٹریلوی میڈیا کے مطابق ٹریوس ہیڈ اور محمد سراج ضابطہ اخلاق کی خلاف ورزی کے مرتکب قرار پائے ہیں۔ آسٹریلوی میڈیا کا کہنا ہے کہ کرکٹرز کو سزا دینے کا باضابطہ اعلان کیا جانا ہے، آئی سی سی کی جانب سے جرمانہ یا سخت تنبیہ کی جائے گی۔میڈیا رپورٹس کے مطابق ان کا ماضی کا ریکارڈ سامنے رکھ کر معطلی کا فیصلہ بھی ممکن ہے۔ٹریوس ہیڈ کو 140 رنز پر آٹ کرنے کے بعد محمد سراج نے اشتعال انگیز انداز میں جشن منایا تھا۔آسٹریلوی سابق کرکٹرز اور کمنٹیٹرز نے بھی محمد سراج پر تنقید کی ہے۔واضح رہے کہ آسٹریلیا نے دوسرے ٹیسٹ میچ میں بھارت کو 10 وکٹوں سے شکست دی تھی۔

کریڈٹ : انڈیپنڈنٹ نیوز پاکستان-آئی این پی