آسٹریلیا کی والی بال ٹیم جمعہ کواسلام آباد سے بحرین روانہ ہو گئی۔آسٹریلیا کی والی بال ٹیم کو سخت سیکورٹی میں ائیرپورٹ لے جایا گیا۔ پاکستان نے3میچوں کی والی بال سیریز تین صفر سے جیت لی جو کہ اپ سیٹ تھا۔آسٹریلیا کی والی بال ٹیم بحرین میں چیلنج کپ میں شرکت کرے گی۔والی بال کی عالمی رینکنگ میں آسٹریلیا 35ویں جبکہ پاکستا ن 49ویں نمبر پر ہے ۔آسٹریلیا کی والی بال ٹیم نے بحرین میں چیلنج کپ میں شرکت سے قبل پاکستان کا پہلی بار دورہ کیا ہے۔والی بال کی عالمی رینکنگ میںپولینڈ پہلے،اٹلی دوسرے ،امریکہ تیسرے ،جاپان چوتھے اور سلووینیا پانچویں نمبر پر براجمان ہے۔

کریڈٹ: انڈیپنڈنٹ نیوز پاکستان-آئی این پی