آسٹریلوی کرکٹ ٹیم نے بھارت کو تیسرے اور آخری ون ڈے انٹرنیشنل میں 66رنز سے شکست دے دی،راجکوٹ میں کھیلے گئے سیریز کے آخری ون ڈے میں آسٹریلیا نے پہلے بیٹنگ کرتے ہوئے مقررہ 50اوورز میں 7وکٹوں کے نقصان پر 352رنز بنائے،مچل مارش 96رنز کی اننگ کھیل نمایاں رہے جبکہ سٹیون سمتھ نے 74، مارنس نے 72اور ڈیوڈ وارنر نے 56رنز کی اننگ کھیلی،بھارت کی طرف سے جسپریت بمراہ نے 3 کھلاڑیوں کو آئوٹ کیا جبکہ کلدیپ یادیو نے 2اور محمد سراج نے ایک وکٹ حاصل کی،353کے ہدف کے تعاقب میں بھارتی ٹیم 49.4اوورز میں 286رنز پر ڈھیر ہوگئی اور میچ میں 66رنز سے شکست کا سامنا کرنا پڑا،کپتان روہت شرما 81رنز کے ساتھ ٹاپ سکورر رہے جبکہ ویرات کوہلی نے 56اور شیریاس نے 48رنز بنائے،آسٹریلیا کی جانب سے گلین میکسویل نے 4کھلاڑیوں کو پویلین کی راہ دکھائی جبکہ جوش ہیزل ووڈ نے دو وکٹیں حاصل کیں،فاتح ٹیم کے کھلاڑی گلین میکسویل کو پلیئر آف دی میچ قرار دیا گیا ،بھارتی ٹیم کے کھلاڑی شمبن گل 178رنز بنانے پر سیریز کے بہترین کھلاڑی قرار پائے۔خیال رہے کہ بھارتی ٹیم آسٹریلیا کے خلاف تین میچز پر مشتمل ون ڈے سیریز 1-2 سے اپنے نام کر چکی ہے۔

کریڈٹ: انڈیپنڈنٹ نیوز پاکستان-آئی این پی