بھارتی اداکار پربھاس کو جوکر کہنے پر ان کے فینز نے اداکار ارشد وارثی کو آڑے ہاتھوں لے لیا۔ایک پوڈکاسٹ میں ارشد وارثی سے فلم کالکی سے متعلق سوال کیا گیا جس پر ان کا کہنا تھاکہ میں نے کالکی فلم دیکھی مجھے نہیں اچھی لگی، اس میں پربھاس بالکل جوکر لگا، تم نے اس کو کیا بنا دیا؟ کیوں کرتے ہیں ایسا مجھے نہیں سمجھ آتا۔ارشد وارثی کا یہ تبصرہ جیسے ہی سوشل میڈیا پر وائرل ہوا تو پربھاس کے فینز نے اداکار کو شدید تنقید کا نشانہ بنایا۔کچھ فینز نے ارشد وارثی کو پربھاس سے معافی مانگنے کا مشورہ دیا تو کچھ نے کالکی اداکار کو ارشد سے بڑا اداکار قرار دیا۔ایک مداح نے تو ارشد کو شدید تنقید کا نشانہ بناتے ہوئے یہاں تک لکھ دیا کہ پربھاس کی پارکنگ کے پیسے آپ کی پوری فلم کے بزنس سے زیادہ ہیں جبکہ کچھ نے ارشد کو ہی جوکر کہہ دیا۔کچھ مداحوں نے ارشد کو کہا کہ آپ کی اوقات کیا ہے؟ جو آپ نے پربھاس کو جوکر کہا۔

کریڈٹ: انڈیپنڈنٹ نیوز پاکستان-آئی این پی