روسی ٹینس سٹار آندرے روبلوف اور آسٹریلوی ٹینس کھلاڑی الیکسی پوپیرین نیشنل بینک اوپن ٹینس ٹورنامنٹ میں اپنی فتوحات کے سلسلے کو برقرار رکھتے ہوئے مردوں کے سنگلز مقابلوں کے فائنل میں پہنچ گئے ۔روسی ٹینس کھلاڑی آندرے روبلوف نے سیمی فائنل میچ میں اطالوی حریف کھلاڑی میٹیو آرنلڈی کو شکست دی جبکہ آسٹریلوی کھلاڑی الیکسی پوپیرین نے دوسرے سیمی فائنل میچ میں امریکی حریف کھلاڑی سباسٹین کورڈا کو شکست دی۔ آئی جی اے سٹیڈیم مونٹریال میں کھیلے گئے مردوں کے سنگلز مقابلوں کے پہلے سیمی فائنل میچ میں 26سالہ روسی ٹینس کھلاڑی آندرے روبلوف نے عمدہ کھیل پیش کرتے ہوئے حریف اطالوی حریف کھلاڑی میٹیو آرنلڈی کو سٹریٹ سیٹس میں 4-6اور 2-6سے شکست دے کر فائنل کے لئے کوالیفائی کرلیا،اس سے قبل روسی کھلاڑی نے ایونٹ کے دفاعی چیمپئن اور ٹاپ سیڈڈ جینک سنر کو کوارٹر فائنل میں شکست دی تھی۔دوسرے سیمی فائنل میچ میں آسٹریلوی ٹینس کھلاڑی الیکسی پوپیرین نے حریف امریکی ٹینس کھلاڑی سباسٹین کورڈا کو 6-7(0-7)اور 3-6سے شکست دے کر فائنل کے لئے کوالیفائی کیا تھا۔

کریڈٹ: انڈیپنڈنٹ نیوز پاکستان-آئی این پی