معروف اداکار ، ماڈل اور گلوکار عمران عباس نے بھارتی گلوکارہ آشا بھوسلے کیساتھ لی گئی تھروبیک تصویر جاری کرتے ہوئے ان کی صحت مند زندگی کیلئے دعا کی ہے۔فوٹو اینڈ ویڈیو شیئرنگ ایپ انسٹاگرام پر اداکار عمران عباس نے پوسٹ جاری کی جس میں انہیں بھارتی گلوکارہ کیساتھ کیمرے کے سامنے پوز دیتے دیکھا جاسکتا ہے۔عمران عباس نے یادگار ملاقات کی جھلک جاری کرتے ہوئے کیپشن میں لکھا کہ،آشا بھوسلے یہاں آپ جیسا نہ کوئی تھا نہ کوئی ہے اور نہ ہی کبھی کوئی ہوگا۔انہوں نے مزید لکھا کہ،میں آپ کی سحر انگیز آواز سن کر بڑا ہوا ہوں، مجھے وقت گزارنے اور آپ کے ساتھ رابطے میں رہنے کا شرف حاصل ہوا ہے اورمیں ہمیشہ آپ کی صحت مند زندگی کے لیے دعا کروں گا۔

کریڈٹ: انڈیپنڈنٹ نیوز پاکستان-آئی این پی