سینئر اداکار سہیل سمیر نے انکشاف کیا ہے کہ انہوں نے اپنی بیٹی کو اﷲ سے کئے وعدے پر حافظہ بنایا ہے۔ حال ہی میں اداکار نے ایک ٹی وی شو میں بطور مہمان شرکت کی جس دوران انہوں نے بتایا کہ ان کی بیٹی کی قبل از وقت پیدائش ہوئی تھی جو معجزانہ طور پر بچ گئی۔اداکار کا کہنا تھا کہ ،ایک زور وہ بچی بیمار ہوگئی توجیسے ہی میں اور میری اہلیہ بچی کو اسپتال لے کر جانے کیلئے گھر سے نکلے کہ کچھ ہی فاصلے پر پہنچنے کے بعد اہلیہ کو محسوس ہوا کہ انکی بچی کی سانسیں رک گئیں ہیں۔ اداکار کے مطابق انہوں نے راستے میں ہی دل ہی دل میں اللہ سے بات کرنا شروع کردی کہ اگر اس بچی کو زندگی مل گئی تو میں اسے حافظہ بنانگا۔سہیل سمیر نے مزید بتایا کہ میں اللہ سے وعدہ کربیٹھا اور جیسے ہی اسپتال پہنچا تو دیکھا کہ میری بیٹی کی سانسیں بحال ہونا شروع ہوگئیں اور وہ بالکل ٹھیک ہوگئیں، بس یہ دیکھتے ہی میں نے اسپتال میں علاج کروانے کے بجائے اس امید پر گھر کا رخ کرلیا کہ اللہ پاک نے میری بیٹی کو بچایا ہے۔تیرے بن کے اداکار نے انکشاف کیا کہ اب انکی بیٹی تقریبا 21 سال کی ہوگئی ہے اور میرے وعدے کے مطابق وہ حافظہ ہے۔

کریڈٹ: انڈیپنڈنٹ نیوز پاکستان-آئی این پی