ترکیہ کے صدر رجب طیب اردوان نے وزیراعظم شہباز شریف سے ٹیلیفونک رابطہ کر کے یونان کشتی حادثہ میں پاکستانیوں کے جاںبحق ہونے والے پر اظہار افسوس کیا ۔منگل کے روز وزیراعظم شہباز شریف سے ترکیہ کے صدر رجب طیب اردوان نے ٹیلیفونک رابطہ کیا،رابطے کے دوران ترکیہ کے صدر نے یونان کشتی حادثہ میں پاکستانیوں کے جاںبحق ہونے والے پر اظہار افسوس کیا،رجب اردوان نے جاں بحق پاکستانیوں کے اہلخانہ کیلئے ترک عوام کی طرف سے ہمدردی کا پیغام دیا،رابطے کے دوران رجب طیب اردوان نے واقعے میں جاں بحق افراد کیلئے مغفرت اور اہلخانہ کیلئے صبر جمیل کی دعا کی،وزیراعظم شہباز شریف نے صدر رجب طیب اردوان کی تعزیت اور ہمدردی کے جذبات پر ان کا شکریہ ادا کیا،اس موقع پر وزیراعظم شہبازشریف کا کہنا تھا کہ مشکل گھڑی میں حکومت اور عوام ترکیہ کے صدر اور ترک عوام کو قدر کی نگاہ سے دیکھتے ہیں۔

کریڈٹ: انڈیپنڈنٹ نیوز پاکستان-آئی این پی