آپریشنل مسائل حل نہ ہونے کے باعث کراچی، لاہور اور اسلام آباد کی 7 پروازیں منسوخ اور 21 تاخیر کا شکار ہو گئیں۔پی آئی اے کی کراچی سے لاہور کی پروازیں پی کے 302 اور 303 جبکہ کراچی سے دبئی کی پرواز پی کے 214 کو منسوخ کر دیا گیا۔اسلام آباد سے کراچی کی نجی ایئر لائن کی 2 پروازیں پی ایف 125 اور 126 جبکہ اسلام آباد سے چترال کی پروازیں پی کے 660 اور 661 بھی منسوخ کر دی گئی ہیں۔استنبول سے کراچی کی 4 پروازیں ایک سے ڈیڑھ گھنٹہ تاخیر کا شکار ہیں اور جدہ سے کراچی کی پرواز پی کے 832 میں دو گھنٹے تاخیر کر دی گئی، اسی طرح کراچی سے ٹورنٹو کی پرواز پی کے 783 دو گھنٹے تاخیر سے روانہ ہوئی کراچی سے لاہور کی پرواز پی کے 304 چھ گھنٹے تاخیر کا شکار ہوگئی جبکہ لاہور سے دبئی کی پرواز پی کے 203 سوا 8 گھنٹے کی تاخیر کا شکاررہی ۔اسی طرح سے جدہ سے سیالکوٹ کی پروازوں پی کے 745 اور 746 میں 4 سے ساڑھے 5 گھنٹے کی تاخیر ہوئی ۔شیڈول کے مطابق جدہ سے اسلام آباد کی پرواز ایس وی 726 اور 727 سوا سے ڈیڑھ گھنٹہ تاخیر کا شکار ہوئی جبکہ اسلام آباد سے جدہ، شارجہ، مدینہ، استنبول اور گلگت کی پروازوں میں ایک گھنٹے سے زائد کی تاخیر ہوئی ۔

کریڈٹ: انڈیپنڈنٹ نیوز پاکستان-آئی این پی