امیر بالاج کے قاتل طیفی بٹ کے بہنوئی کے قتل کیس میں نامزد قیصر بٹ نے سرنڈر کرنے کا اعلان کردیا۔ طیفی بٹ کے بہنوئی جاوید بٹ کے قتل پر ورثا کی جانب سے مقدمہ کے اندراج کے لیے دی گئی درخواست میں نامزد قیصر بٹ کا بیان سامنے آگیا۔ قیصر بٹ نے اپنے بیان میں کہا ہے کہ ہمارا اس قتل سے کوئی تعلق نہیں، ہم پولیس کے سامنے سرنڈر کریں گے اور پولیس کو مطمئن کریں گے۔ ورثا کی درخوست پر تھانہ اچھرہ میں مقدمہ درج کیا گیا ہے، مقدمے میں 302 ،324 اور 334 کی دفعات شامل کی گئی ہیں اور مقدمے میں امیر بالاج کے بھائی امیر فتح ، قیصر بٹ اور دو نامعلوم افراد کو نامزد کیا گیا ہے۔

کریڈٹ: انڈیپنڈنٹ نیوز پاکستان-آئی این پی