ملک سے طبی وجراحی آلات کی برآمدات میں رواں مالی سال کے دوران اضافہ ریکارڈکیاگیاہے۔سٹیٹ بینک اورپاکستان کے ادارہ برائے شماریات کی جانب سے اس حوالہ سے جاری اعدادوشمارکے مطابق رواں مالی سال کے پہلے11 ماہ میں طبی وجراحی آلات کی برآمدات سے ملک کو421.88 ملین ڈالرزرمبادلہ حاصل ہواجوگزشتہ مالی سال کی اسی مدت کے مقابلہ میں 1.20 فیصدزیادہ ہے۔گزشتہ مالی سال کی اسی مدت میں طبی وجراحی آلات کی برآمدات سے ملک کو416.87 ملین ڈالرزرمبادلہ حاصل ہواتھا۔مئی 2024 میں طبی وجراحی آلات کی برآمدات کاحجم 40.89 ملین ڈالرریکارڈکیاگیا جواپریل میں 38.14 ملین ڈالر اورگزشتہ سال مئی میں 37.23 ملین ڈالرتھا۔ مالی سال 2023 میں طبی وجراحی آلات کی برآمدات سے ملک کو455 ملین ڈالرزرمبادلہ حاصل ہواتھا۔

کریڈٹ: انڈیپنڈنٹ نیوز پاکستان-آئی این پی