صوابی میں رکشہ نہر میں گرنے سے بچوں سمیت 5 افراد جاں بحق ہوگئے۔ڈسٹرکٹ ایمرجنسی آفیسر ریسکیو اویس بابر کے مطابق صوابی میں باکر کے مقام پر گوہاٹی نہر میں تیزرفتار رکشہ گرنے سے ایک ہی خاندان کے 14 افراد ڈوب گئے، ڈوبنے والے 14 افراد میں سے 8 کو زندہ نکال لیا گیا ہے۔ریسکیو آفیسر کا کہنا ہے کہ باقی 5 افراد کی نعشیں نکالی لی گئی ہیں، جبکہ ایک خاتون کی نعش کی تلاش کیلئے ریسکیو آپریشن جاری ہے، جاں بحق ہونے والوں میں خواتین اور بچے شامل ہیں۔انہوں نے کہا کہ رکشہ اوور لوڈ ہونے کی وجہ سے یہ جان لیوا حادثہ پیش آیا۔

کریڈٹ: انڈیپنڈنٹ نیوز پاکستان-آئی این پی