سکھر میں 3 سال قبل اغوا ہونے والی بچی پریا کماری کے اہلخانہ کو تاوان کیلئے فیک کال موصول ہوئی، تاوان طلب کرنے والے نے خود کو کچے کا ڈاکو بتایا۔تفصیل کے مطابق 3 سال قبل اغوا ہونے والی بچی پریا کماری کے اہلخانہ کو تاوان کیلئے کال موصول ہوئی ، والد راج کمار نے بتایا کہ تاوان طلب کرنیوالے نے خودکوکچے کا ڈاکو بتایا ہے۔اس حوالے سے ایس ایس پی سکھر نے بتایا کہ مغوی بچی کیاہلخانہ کوفیک کال کی گئی ہے، لوگ انعام کی رقم کیلئے فیک کال کرتے ہیں۔ اہلخانہ کی جانب سے دیئے گئے نمبر کی تحقیقات کی گئی ہے،پریا کی بازیابی کیلئے پولیس تمام وسائل بروئے کار لا رہی ہے۔ یاد رہے وزیر داخلہ سندھ ضیا الحسن لنجار نے تین سال قبل سکھر کے علاقے سنگرار سے اغوا ہونے والی نو سالہ بچی پریا کے زندہ ہونے کا دعوی کیا تھا۔تین تلوار کلفٹن میں مغوی بچی کی بازیابی کیلئے احتجاج کرنے والے مظاہرین سے خطاب میں انہوں نے کہا تھا کہ ہمیں ثبوت ملے ہیں کہ بچی زندہ ہے۔

کریڈٹ: انڈیپنڈنٹ نیوز پاکستان-آئی این پی