بلوچستان کے ضلع سبی کے قریب مسافر ویگن ٹرک سے ٹکرا گئی جس کے نتیجے میں 5 مسافر جاں بحق جبکہ 13 زخمی ہوگئے۔ریسکیو ذرائع کے مطابق کوئٹہ سے جیکب آباد جانے والی مسافر ویگن تیز رفتاری کے باعث ٹرالر کو اوور ٹیک کرتے ہوئے مٹھڑی کے مقام پر سامنے سے آنے والے ٹرک سے ٹکرا گئی تھی۔ریسکیو ذرائع کا کہنا تھا کہ واقعہ کی اطلاع ملنے پر لیویز اور ایف سی اہلکار اور ریسکیو ٹیمیں موقع پر پہنچ گئیں، حادثے میں 5 مسافر موقع پر جان بحق ہوگئے تھے جبکہ 13 زخمی ہوگئے، زخمیوں اور میتوں کو ڈسٹرکٹ اسپتال سبی منتقل کردیا گیا۔ڈاکٹروں کے مطابق زخمیوں میں دو مسافروں کی حالت تشویشناک ہے۔

کریڈٹ: انڈیپنڈنٹ نیوز پاکستان-آئی این پی