سانگلہ ہل میں ملزمان نے لڑکی کو مبینہ طورپر اجتماعی زیادتی کا نشانہ بنا ڈالا۔ پولیس کا کہنا ہے کہ لڑکی کو تشویشناک حالت میں اسپتال منتقل کردیا گیا ۔ سانگلہ ہل پولیس نے بتایا کہ متاثرہ لڑکی کے والد کی مدعیت میں مقدمہ درج کرکے ایک ملزم کو گرفتار کرلیا گیا ۔ایف آئی کے متن کے مطابق ملزمان لڑکی کو جھانسہ دے کر اپنے ساتھ لے گئے تھے، مقدمے میں نامزد دیگر 2 ملزمان کی تلاش جاری ہے۔اس سے قبل فیصل آباد میں ڈکیتی کے دوران زرعی یونیورسٹی کی ملازمہ سے مبینہ زیادتی کے واقعے پر تھانہ ساندل بارپولیس نے نامزد ملزم علی شیر کو گرفتار کرلیا۔پولیس نے کہا کہ گرفتار ملزم علی شیر نے تفتیش کے دوران اعتراف جرم کرلیا تاہم ملزم کی نشاندہی پر دیگر ملزمان کی گرفتاری کے لئے چھاپے مارے جارہے ہیں۔

ملزمان نے شوہر کے ساتھ گھر جاتی خاتون سے مبینہ اجتماعی زیادتی کی تھی جبکہ موبائل فون اور نقدی چھین کر فرار ہوگئے تھے۔بعد ازاں پولیس نے مقدمہ درج کر کے 6 مشتبہ افراد کو حراست میں لیا جبکہ متاثرہ جوڑے نے ڈکیتی اورزیادتی کے ایک ملزم کی نشاندہی کی اور بتایا دو ڈاکوں کے فون کرنے پر آنے والا ملزم علی شیر تھا، علی شیر بھی اجتماعی زیادتی میں شامل تھا۔حکام کا بتانا تھا کہ چنن کے گاں کا رہائشی عدنان مسیح اپنی بیوی کے ہمراہ موٹر سائیکل پر زرعی یونیورسٹی جھنگ روڈ کیمپس سے گھر واپس جا رہا تھا کہ چنن کے موٹروے پل کے قریب موٹر سائیکل سوار دو ڈاکوں نے انہیں اسلحے کے زور پر روک لیا۔ ملزمان نے عدنان کو باندھ کر کھیت میں پھینک دیا اور بعد ازاں اپنے تیسرے ساتھی کو فون کر کے بلالیا اور تینوں ملزمان نے خاتون کو زیادتی کا نشانہ بنایا۔

کریڈٹ: انڈیپنڈنٹ نیوز پاکستان-آئی این پی