اسلام آباد ہائی کورٹ نے سال 2024 میں 10 ہزار571 مقدمات کے فیصلے کیے جن میںچیف جسٹس عامر فاروق نے سب سے زیادہ 2 ہزار 525 مقدمات کے فیصلے کیے۔ اسلام آباد ہائی کورٹ کے 2024 میں کیے گئے فیصلوں کی رپورٹ سامنے آگئی۔رپورٹ کے مطابق جسٹس محسن اختر کیانی نے 1616 جبکہ جسٹس سردار اعجاز اسحاق خان نے 1490 مقدمات کے فیصلے کیے۔ جسٹس میاں گل حسن اورنگزیب نے سال بھر میں 1021 مقدمات کے فیصلے کیے جبکہ جسٹس طارق محمود جہانگیری نے سال 2024 میں 925 مقدمات نمٹائے۔رپورٹ کے مطابق اسلام آباد ہائیکورٹ کے جسٹس بابر ستار نے 964 مقدمات کے فیصلے کیے۔جسٹس ارباب محمد طاہر نے 1195 اور جسٹس ثمن رفعت امتیاز نے سال بھر میں 835 مقدمات کے فیصلے کیے۔

کریڈٹ : انڈیپنڈنٹ نیوز پاکستان-آئی این پی