i پاکستان
سابق ڈپٹی سپرنٹنڈنٹ اڈیالہ جیل کی بازیابی کی درخواست، پولیس کو نوٹس جاری، جواب طلبتازترین
August 16, 2024
لاہور ہائیکورٹ راولپنڈی بینچ نے اڈیالہ جیل کے سابق ڈپٹی سپرنٹنڈنٹ محمد اکرم کی بازیابی کی درخواست پر تھانہ صدر بیرونی پولیس کو منگل کے لیے نوٹس جاری کرتے ہوئے جواب طلب کر لیا۔ جسٹس محمد رضا قریشی نے محمد اکرم کی اہلیہ کی درخواست پر سماعت کی، اکرم کی درخواست گزار اہلیہ کی جانب سے ایڈووکیٹ ایمان مزاری عدالت میں پیش ہوئیں۔ درخواستگزار کی وکیل نے بتایا کہ14 اگست سے اکرم سے متعلق کچھ معلوم نہیں ، تھانہ صدر بیرونی پولیس کو مقدمے کے اندراج کی درخواست دی لیکن ابھی ایف آئی آر نہیں ہوئی ہے۔ بعد ازاں عدالت نے تھانہ صدر بیرونی پولیس کو منگل کے لیے نوٹس جاری کرتے ہوئے جواب طلب کر لیا۔
کریڈٹ: انڈیپنڈنٹ نیوز پاکستان-آئی این پی
متعلقہ خبریں
